Real Madridi dhe Xabi Alonso i dhanë fund bashkëpunimit sot pas humbjes së mbrëmshme nga Barcelona në finalen e Superkupës së Spanjës me rezultat 3-2.

Ky ishte një vendim i cili pak a shumë ishte i pritur pasi kupa ishte e mbushur  me probleme për Alonson duke filluar nga rezultatet e deri tek ‘konflikti’ me Viniciusin, shkruan Arbresh.info.

Një reagim i parë që ka ardhur nga lojtarët pas largimit të Alonsos, ka qenë ai i lojtarit më të mirë deri më tani të Realit këtë sezon, Kylian Mbappe.

Përmes një ‘instastory’, francezi ka shprehur indinjatën e thellë që ka për trajnerin bask.

“Ka qenë një periudhë e shkurtër, por ishte një kënaqësi e vërtetë të luaja për ju dhe të mësoja nga ju. Ju falënderoj që më dhatë besim që nga dita e parë.”

“Do t’ju mbaj mend si një trajner me ide shumë të qarta dhe me njohuri të thella për futbollin. Ju uroj shumë fat dhe suksese në kapitullin tuaj të radhës”, u shpreh Mbappe.

Kujtojmë se drejtimin e Realit pas largimit të Alonsos e ka marrë Alvaro Arbeloa./Arbresh.info